عندك ٥ أيام للاستبدال و٣ أيام للاسترجاع من يوم استلام طلبك. وأول استبدال داخل السعودية علينا، مجانًا.

كيف تطلبين استبدال أو استرجاع؟

تقدرين تقدمين طلبك من حسابك، أو تتواصلين معنا على واتساب أو إنستغرام أو عبر الإيميل: hello@theuntitledproject.store

بس أرسلي لنا رقم طلبك، والقطعة اللي حابة تبدلينها أو ترجعينها، والسبب.
وإذا وصلتك قطعة تالفة أو غير اللي طلبتيها، أرفقي لنا صورها عشان نقدر نساعدك بأسرع وقت.

وش القطع اللي تقدرين ترجعينها؟

نقبل القطع اللي ما انلبست أو انغسلت، وتكون بحالتها الأصلية، من دون بقع أو آثار عطر.
ومو ضروري ترجعينها بنفس التغليف الأصلي.

القطع اللي ما يشملها الاستبدال والاسترجاع:
القطع المفصّلة أو المصنوعة حسب الطلب، وأي قطعة تم لبسها أو غسلها أو تعديلها، أو عليها بقع أو عطر.

داخل السعودية

بعد ما نوافق على طلبك، نرتّب مع أرامكس يستلمون القطعة منك.
ولما يتواصل معك المندوب، تقدرين ترسلين له بوليصة الشحن على واتساب، أو تطبعينها وتحطينها مع الشحنة.

• الاستبدال: أول استبدال مجانًا، علينا.
• الاسترجاع: نخصم ١٧ ريال من المبلغ المسترد مقابل شحن الإرجاع.
• استرداد المبلغ: يرجع لنفس وسيلة الدفع خلال ٥–١٠ أيام عمل بعد فحص القطعة.

الطلبات الدولية

تكلفة شحن الإرجاع تكون عليك. أما الرسوم الجمركية والضرائب، فهي غير قابلة للاسترداد.

وصلتك قطعة تالفة أو غير اللي طلبتيها؟

بلّغينا خلال ٢٤ ساعة من استلام طلبك، وأرسلي لنا رقم الطلب مع صور القطعة.
بنتولى الموضوع ونتكفل بتكاليف الشحن.

شريتي قطعتك من متجر ثاني؟

تواصلي مع المتجر اللي شريتي منه مباشرة، لأن كل متجر عنده سياسة الاستبدال والاسترجاع الخاصة فيه.